Some Questions
- Success kya hai?
- Kya sirf ameer hona hi successful hona hai?
- Kya jo apne sapno ko pura kar leta hai, vo successful ho jata hai?
- Kya kisi bade institute se padhne se successful ho sakte hain?
- Kya successful hone ke liye achcha background hona chahiye?
- Kya successful hone ke liye hum study me bahut achche hone chahiye?
- Kya successful hone ke liye hum achche communicator hone chahiye?
Introduction
Is blog mein aapko inn sabhi questions ke answer milenge aur hum success se judi har information denge. Sath hi ye bhi batayenge ki success kise kahte hain, hum successful kab bante hain, successful banne ke kya tareeke hain, aur kyu har ameer aadmi successful nahi hota? Kyu har topper, intelligent insaan successful nahi hota? Kaise ek gareeb aadmi bhi successful hota hai?
Success ko samajhne se pehle hume 4 shabdon ko samajhna hoga: GOAL, AIM, DREAM, aur VISION.
GOAL
Kisi cheez ko pura karne ke liye jo limit hum select karte hain, use goal kahte hain. Jaise – kisi ko 6 mahine mein English speaking seekhni hai. Yahan par goal English speaking seekhna nahi, balki 6 mahine hai.
AIM
Jis kaam ko karna hi karna hai jiske liye limit koi maayne nahi rakhti, use aim kahte hain. Jaise kisi ko English seekhni hi seekhni hai, chahe vo 6 mahine mein seekhe ya 1 saal mein, isse aim kahte hain.
DREAM
Ek aisa shabd jo aap aksar logo se sunte honge, jaise kisi ka dream hota hai ameer banna. Lekin agar unse poochho ki kitna ameer banna hai, to vo sahi jawab na dekar kehte hain ki bahut ameer banna hai. Simple language mein hum kah sakte hain ki bina kisi strong reason aur knowledge ke kya banna hai, is soch ko dream kahte hain.
VISION
Ye sabse powerful cheez hai. Vision ek strong reason, motive, aur full information se bhara hota hai. Vision ko pura nahi kiya jata, balki ise jeeya jata hai. Jaise kisi ka vision ho ki usse apne business ko aise mukaam par le jana hai ki agle 10 saal tak koi uski barabari na kar sake. Ye vision hai.
SUCCESS
Success paane mein goal, aim, sab ki madad chahiye hoti hai. Par asli successful vyakti vo hota hai jo apne vision ko jeeta hai, na ki sirf pura karta hai. Isliye kai ameer log successful nahi hote, aur kai gareeb log successful hote hain. Ek example se samjhata hoon:
Kyoon kai ameer log successful nahi hote: Har ameer vyakti ka vision hota hai ki use sukoon mile, uski family uski baat maane, sab ghar mein khush rahein, aur koi financial problem na ho. Lekin kya aisa hota hai? Jawaab hai, nahi. Kyunki ameer vyakti ko sukoon kabhi nahi mil pata, vo hamesha paison ke peeche bhaagta rehta hai. Isliye har ameer vyakti successful nahi hota.
Dusri taraf kuchh gareeb log successful hote hain: Gareebo ka ek hi vision hota hai ki unki family unke saath rahe aur vo do waqt ki roti khaa saken. Bahut se gareeb logon ka ye vision pura hota hai, kyunki unki family unke saath rehti hai aur unke basic needs poori hoti hain.
Real Life Example
1. APJ Abdul Kalam
Dream/Goal: APJ Abdul Kalam ka dream army mein jaana aur ek fauji banna tha. Unka goal NDA entrance exam mein pass hona tha.
Vision: Unka vision desh ki seva karna aur Bharat ko self-reliant banane ke liye advanced missile technology develop karna tha.
Success: APJ Abdul Kalam ki success unke vision ki wajah se thi. Bhale hi wo NDA exam mein fail ho gaye, lekin unhone apne vision par focus kiya aur ek scientist ke roop mein Bharat ke missile program ko naye unchayi tak pahunchaya. Unhone apne vision ke zariye desh ki raksha aur vikas me amulya yogdan diya, jise unhe “Missile Man of India” ka samman mila.
2.Steve Jobs
Dream/Goal: Steve Jobs ka initial goal ek successful businessman banna tha aur Apple ko ek profitable company banana tha.
Vision: Unka vision technology ko aise products mein badalna tha jo logon ki zindagi badal de, jaise iPhone, iPad, aur Mac.
Success: Steve Jobs ki success ka kaaran unka vision tha ki technology ko creativity ke sath joda jaye aur logon ke daily experience ko enhance kiya jaye. Yahi vision unhe innovation ka icon banata hai.
3. Elon Musk
Dream/Goal: Elon Musk ka shuruat se goal successful companies banana aur paise kamaana tha, jaise PayPal ko bech kar unhone initial success hasil ki.
Vision: Unka vision tha human race ko multi-planetary banana aur sustainable energy ka use badhawa dena.
Success: Musk ki success ka asli kaaran unka vision hai, jise unhone SpaceX aur Tesla ke projects ke through dikhaya. Ye vision duniya ki soch ko badalne aur unhe future ke liye prepare karne ka hai.
4. Mahatma Gandhi
Dream/Goal: Mahatma Gandhi ka dream ek successful barrister banna tha, aur unhone England mein law ki padhai ki is goal ko poora karne ke liye.
Vision: Unka vision British rule se Bharat ko swatantra karana aur non-violence (ahimsa) ke zariye logon ko ekta mein jodna tha.
Success: Gandhi ji ki success unke vision ki wajah se aayi, jisme unhone ahimsa ke marg par chal kar puri duniya ko shanti aur satyagraha ki shakti dikhayi.
5. Walt Disney
Dream/Goal: Walt Disney ka goal ek famous artist aur animator banna tha. Unhone initial projects ke through entertainment industry mein apni pehchaan banane ki koshish ki.
Vision: Unka vision ek aisi jagah banana tha jahan log sapno ki duniya mein jayein – Disneyland.
Success: Disney ki success unke vision ki wajah se thi, jisme unhone aisi movies aur theme parks create kiye jo logon ko imagination ke naye asmaan dikhate hain.
6. Nelson Mandela
Dream/Goal: Mandela ka initial goal apne law career mein success hasil karna tha aur ek legal practitioner banna tha.
Vision: Unka vision South Africa ko racial segregation (apartheid) se mukt karana aur ek samanta par adharit samaj banana tha.
Success: Unki success unke vision ki wajah se thi, jisme unhone 27 saal jail mein bitane ke bawajood apne desh ko ek united aur democratic rasht banaya.