Introduction
Aaj ke time me Paise success ka dusra naam hai. Log success ko paise ka base banakar dekhte hain. Jiske paas jitne paise hai, log use utna hi successful samajhte hain. Aur jiske paas jitne kam, log use utna hi unsuccessful maan lete hain, chahe uske paas kitni hi degrees ya knowledge ho.
Paise = Value?
Aaj ke samay mein, Logo ko ek ameer insaan galat advice de aur ek gareeb insaan sahi advice de, toh log gareeb insaan ki sahi advice ko ignore karte hain aur ameer insaan ki galat advice ko maante hain. Ameer insaan ka daantna bhi logo ko bura nahi lagta, aur gareeb insaan ka samjhana bhi logo ko bura lagta hai.
Insaan gulaam bankar jeene ko tayaar hai?
Aaj ke zamaane mein koi insaan dusre ki help karna hi nahi chahta. Agar koi kisi ki madad karta bhi hai, toh madad karne se pehle uska bank balance check karta hai. Agar aapke paas paise hai, toh log aapke gulam ban kar jeene ko tayaar hain. Agar paise nahi hai, toh log aapko gulam banane ko tayar hain.
Kya Mohabbat, Dosti, Rishtedari, aur Izzat Paise se milti hai?
Sach ye hai ki aaj Mohabbat, Dosti, Rishtedari, aur Izzat ke liye paise hona zaruri hai. Bina paise ke ye sab kab aapko chhod denge, ye aapko pata bhi nahi chalega. Aapke apne khooni rishtedar bhi aaj paise ke base par aapko judge karte hain. Agar aapke paas paise kam hai to aapke ghar baale aapko taane de dekar maar denge. Agar aapke paas paise hai har koi aapki izzat kareg fir woh samaj ho ya family ya rishtedaar.
Paise se khushiyon ko kaise khareede?
Paise se khushiyan nahi kharidi ja sakti, par har wo cheez kharidi ja sakti hai jo khushi deti hai. Jaise agar kisi ko apni family ke sath time gujarana achcha lagta hai to woh apni family ke saath time tabhi spend kar sakta hai jab woh financially free ho agar woh insaan finacially free nahi hai to woh kitni bhi koshish kare family ke sath time spend nahi kar sakta . Isiliye khushiyo ke liye paise ki jaroorat hai.
Paise se mohabbat ko kaise kharide ?
Paise se mohabbat nahi kharidi ja sakti, lekin paise se mohabbat ko paya ja sakta hai aise kaam karke, jiske jariye aapki lover aapse mohabbat karne lage. Aap apne lover ki care karke, gifts dekar, uski family ki help karke, aur paisa ke zariye uski needs ko fulfil karke uske dil me apne liye jagah bana sakte ho.